BABIL DE BERING....bermaksud degil dan samseng...keras hati....

Aku doh tak tau,

tak tau nok kato,

nok kato gapo lagi?

nok royat gapo?

kalu doh tak reti

tak reti situlah

kalu doh babil,

dok babil situla!!

Ore royat gapo pon,

wat tak hira

wat tak caro

pesen babil

meme tak lih kato gapo

wat abih air liur,

kalu kecek

denge ore bering...

Ore babil de bering,

mato terkebil-kebil

telingo denga, mulut tengango

napok serupo ore bengo

dok nengu

tak tau aroh

aroh mano nok lalu,

aroh hilir ko aroh hulu...

Kalu lagu tu gak,

serupolah Lebai Male

dok nengu, dok mikir...

lamo dok nengu,

ko hilir terlepas

ko hulu terbabas...

Mako jangela babil

jangela bering

skali skalo,

denga jugok hok ore lain kato

jange kato kito jjah bulih paka,

kato ore lain, nawok sokmo!

Marilah kito timbe taro

hok mano molek,

hok mano udoh

kito duduk molek-molek

segalo kijo kito pakat buat,

barula kito hidup tak baloh

worih waroh kito nawat sokmo,

sain sobat kito nanyo kaba

barula kito hidup ame damai....

Liza Isma;

~ Cuba melakar kata dalam loghat Klate

14 November 2012/11.20pm

Desa Pande, Kay Ell.

Nota:-

~ Puisi ini telah dilihat dan diulas oleh Prof. Dr Lim Swee Tim…semasa Festival Puisi & Lagu Rakyat Antarabangsa Pangkor.

~ Dihasilkan kerana tertarik dengan puisi beliau berjudul “Seghotti”